上个星期一直发低烧但就死都唔肯去睇医生，搞到whale系Facebook度写大字报强烈要求我要去睇医生，结果拖左两三日，发烧呢件事就不了了之了。
今日低烧症又开始发作，感觉忽冷忽热，whale开始“恐吓”我，话一路发低烧会可大可小，而我终于亦顶唔住要去睇医生了。。
医生伯伯话我前排感冒未清，加上喉咙发炎引起发烧。但系我几时感冒过点解自己一D印象都无既？喉咙发炎？我又无咳又无喉咙痛，何来的发炎？十分怀疑老伯伯的医术！！！
唔单止甘，距仲狂开针水同药比我，好似距D药就来过期，要赶住出货甘！！我先得37.3度体温，距居然话我病得好严重，开了一支屁股针同两瓶吊针比我，仲问我听日几时得闲过去吊多次针。天～～我同妈打即刻同距讲，我上班好忙，好夜先落到班，无乜时间，睇下今晚吊完针效果如何再算！医生伯伯先放弃左距系想法。
打针既时候，护士姐姐先帮我试针，唉，呢次真系要叫距姐姐了！你试就试啦，唔好玩野，笃左第一针落去，距突然间话：“咦，呢个注射器点解唔得既？换过个先！”我顶～～于是距不慌不忙甘换过个注射器，天～～我同距讲“靓女啊，我已经病紧了，你就唔好再刺激我啦！”于是乎，我的芊芊玉手就甘挨左两针了。。。
左手试完针，屁股马上又挨左一针，裤链都未得闲拉，另一个护士姐姐就叫我去吊针了，我又好无奈甘同护士姐姐讲“赶时间都唔使甘催法架！”
吊针既时候吊到只手好痹，护士姐姐好唔怜香惜玉甘讲“系甘架啦，你得闲梳下个手背就无事架啦”我无语。。两瓶针水花左成个几钟先滴完。
万岁！！我终于可以离开这个鬼医院了！！但是，我却挨了四针！！！真系无良！！！
