我杯茶系边？

某日，我坐系电脑面前打紧PSP（电脑屏幕系珠光宝气暂停既画面），阿妈就系隔离帮我挂紧蚊帐，

忽然，

阿妈搭讪：都唔知你睇野定打机既，好玩咩？系屋企又唔做野，又唔出街！

我无理距，继续打，因为我只乐克乐克系度好努力甘同黑毛大战紧

阿妈继续：唔怪得你仲唔谂拍拖啦，肯定系谂住结左婚之后要做家务，所以宁愿唔结！

我依然好努力甘系度打机，应付式甘答：到左要结既时候，自然会结架啦，而家时候未到，一个人自由自在，想做乜就做乜，几好啊！

阿妈继续：今日见到“三姑六婆”，距问我个女行紧街未，我话都唔见有动静

我：边个黎架？甘八既？车，又唔系话出街就拍到拖！

阿妈食住上：甘你使唔使介绍姐？距话可以帮手介绍啵！

我：甘都要睇对方系边个先得架。。人地拍唔拍拖又关距事，真系八。。

阿妈无语，继续挂蚊帐，唔再骚扰我了。。（暗喜，哈哈。。）

其实，唔系我唔想拍拖，而系缘分未到。我一向都认为，拍拖呢D野要讲缘分，系合适既时候、合适既地点、呢个合适既人自自然然会出现，然后，我地自自然然甘一路发展落去，拍拖、结婚、生细路。。。一切一切都要一步一步黎。如果，你要我为左结婚而去结婚，我谂我做唔到！至少，系我而家呢个阶段，我做唔到。

其实，我都想知，我杯茶系边？！

之前，我想试下咖啡，因为咖啡好好闻，闻起来有一股令人为之一振既感觉；但系，当我试一口既时候，我却觉得距既味道实在系太浓烈了，有一种令我招架不住既感觉，于是，我话俾自己知，咖啡唔岩我，我都系远远甘欣赏距，远远甘回味距既诱人香味吧。。。

而家既我，中意饮清水，因为距无色无味，时时刻刻都令口腔保持住一股清新既感觉，唔会好似咖啡或软性饮品甘系口腔深深甘留下距地既印记。。

或者，到左某个阶段，我会自自然然甘开始饮茶，品茶。。^_^