催婚记 - 意外篇

催婚记 - 意外篇

 

为咗凑齐去SIN的保证金，平时大手大脚花钱嘅我不得不向老妈子求救。

 

我（很郑重其事）：妈，我想同你商量一件事！

我妈：咩事啊？你想嫁喇？

（几乎喺同一时间）我细佬：吓？家姐，你想结婚啦？

我妈起哄（对我细佬）：细佬真醒目！！

我狂汗：你哋两个受咗咩刺激啊？我都未出声，你哋嘅想象力会唔会丰富咗D啊？？

我妈：你细佬肯定想着舅仔鞋啦，到时候肯定要拣番对一千蚊以上嘅靓鞋！

我（对我妈）：哼，如果喺我，绝对唔拣一千蚊嘅鞋咁cheap，梗系要拣更加贵个D啦！

我（对我细佬）：我唔介意你爬我头哦，你想结就结，我唔会阻你嘅！反正妈子想饮新抱茶多过女婿茶！

（想想自己真白痴，我细佬先读紧高二 @_@）

我妈：车～想饮新抱茶有几难姐？而且新抱茶几时饮都得，男仔到咗40岁都可以娶个18岁嘅女仔，但女仔过咗30就好危险架喇！

我晕：我喺米真系咁阻啶，你哋个个都想我快D嫁啊？！

唉。。你话，我应该好嬲定好笑呢？！

点解我会有D咁嘅屋企人。。

真系冇晒佢哋符！