開始崇拜蔡先生

開始崇拜蔡先生

 

近期睇咗好多關于蔡先生嘅訪談節目，突然間對佢起咗崇拜之心。

有人話，呢個人都已經存在咗咁耐，你而家先嚟崇拜？

呵呵。。無計，可能我后知后覺掛，
而且“崇拜”呢D咁虛無嘅嘢，

需要“天時地利人和”，

而引發我崇拜蔡先生嘅就系《志云飯局》嘅蔡瀾特輯啦！

 

我發覺蔡先生做人嘅態度好樂觀闊達，

特別喺佢看透生死嘅態度，令我十分敬佩！

 

主持人問：蔡先生，點先可以一直活得咁開心呢？

蔡先生答：（前面省略）只要活得夠長命（后面省略）

主持人問：咁點先叫做夠長命呢？

蔡先生答：每個人嘅定義都唔一樣，我覺得只要你想做嘅嘢都做曬，咁就叫做夠長命啦！

 

主持人問：好多人都話，同蔡先生相處很舒服，因為佢從來都唔喺背后講其他人嘅不是。

蔡先生答：好多人都好中意講其他人嘅壞話，但系我就中意發掘人地嘅有點，如果你睇每個人都系睇佢嘅優點，咁呢個世界就好美好了！

 

主持人問：點解你信佛但照樣食肉嘅？

蔡先生答：其實信佛同食肉冇直接嘅關系，佛教更加強調嘅喺欲望嘅“欲”，我有太多欲望未達成到了，所以我唔系一個真正嘅佛教徒。

 

嘉賓問：我唔識點樣去“食住”男人喔。

蔡生答：我教你吧，當佢落班番到屋企好攰好攰嘅時候，你就拉住佢不停咁同佢講嘢。

嘉賓問：咁佢覺得我煩咁點算啊？

蔡生答：咁你就可以同佢講：“點解你成日掛住做嘢，一D都唔關心我！”咁就得咗啦！

蔡生真盞鬼！

 

還有一個是倪匡和蔡生嘅對話：

倪匡：你到而家仲不停咁做嘢，到處去，你唔辛苦嘅咩？我就覺得好辛苦啦！

蔡生：呢D嘢都喺我想做嘅，所以我唔覺得辛苦。我成日都話，要做自己想做嘅事好難，但唔做自己唔想做嘅事就比較容易。所以，我要趁我還有能力嘅時候做曬我想做嘅事，咁我就可以好似你咁過D無憂無慮嘅退休生活了。

倪匡：咁又系啊！我現在已經70幾歲了，之前嘅60年，我當作自己嘅人生一直都系度長跑緊，60歲嘅時候長跑沖線了，但你跑完之后唔可能話停就馬上停到，跑完肯定要踱一陣，點知我咁幸運，一踱就踱咗十幾年了。

兩位大師嘅對話真系好值得令人深思！

 

還有很多很經典的。

 

“認識”蔡先生之后，我開始想睇佢嘅書，希望能夠從中再學習到更多嘅人生道理！